عشر مزايا عشان أنتي بنت

البنات بيقولوا لنفسهم يا بخت الأولاد أل يعني عشان الواد بيعمل اللي هوه عايزه أما البنات فمبيسمعوش غير كلمه "ممنوع" طول الوقت فكثير من البنات فاكرين نفسهم "درجة ثانية" عشان كده دي عشر مزايا إلاهي يعجب

1- لو كنتي موجودة على الباخرة اللي اسمها "تيتانيك" او حتى "السلام98" وحصل مصيبة اول ناس هينقذوهم البنات والاطفال واللي هيفضل "ده لو فضل حاجة أساسا" يبقة للرجال ولا عزاء للرجال

2- والبنت تقدر تلبس هدوم الولاد ، يعني البنت تقدر تدخل على دولاب المسكين اخوها وتاخد اللي هيه عايزاه وده طبعا غير هدومها اما الواد فهدومها متنفعوش خالص تخيل واد من كتر القهر اللي هوة عايش فيه نزل بفستان اخته يالهوي ع اللي هيتقال عليه ولا اللي مكن يحصل فيه

3- اما بقه لو جينا لموضوع المواصلات هنلاقي اني البنت عندها فرصة كبيرة في ان التاكسيات تقف لها اكتر من الولاد ولو في اتوبيس او اي مواصلة عامة تلاقي واد شهم زي بيسبلها مكانه عشان تقعد اي نعم بعد ادعي عليها عشان ببقه تعبان ويا انهار ابيض لو قالت عايزة اعد جنب الشباك حقها انا اجي اقول الجو حر يا جماعة عايز اعد جنب الشباك يقولوا ايه الواد الفافي ده - ولا المترو ليه في عربية للبنات "للسيدات فقط" ومفيش عربية للرجال فقط لا وايه الستات تركب مكان ماهيه عايزة لكن الرجال نو

4- المصالح الحكومية المصرية وما ادراك ما المصالح الحكومية تلاقي اني طابور السيدات اسرع من طابور الرجاله بمراحل والراجل عارف اني فيه بتاع 25 راجل و 5 ستات لا وايه العدالة بتلح عليه قوي يمشي واحد من هنا وواحده من هنا انا مش عارف ازاي

5- الولد لو سايق عربية وخبط حد غالبا بياخد علقة للذكرى ، اما بقى لو كانت العربية سايقاها بنت فالوضع هيختلف تماما هتلاقي الناس بتتعامل معاها كأنها ضحية زي اللي حبطته

6- البنت بتروح الكوافير تعمل شعرها وتشتري سباع روج لونه جميل وتحط"مانيكير وباديكير وتعمل تاتوه وبعد ده كله تقف ادام المرايا تتأمل جمالها ، اما الواد لو جيه في يوم وحط روج او عمل تاتوه مش بعيد اهله يقتلوه ..!!

7- اي بنت تقدر تعد في اي بلاج اوي شاطيء اما الواد ميقدرش يعد في شاطيء السيدات

8- البنت لو ماشية في اي حته وتايهة مش عارفة هية فين هتلاقي مليون واحد عايزين يساعدوها ويقوللها ويمكن يوصلوها كمان اما الولد لو تايه محدش هيعبر اهلة واسلوني انا ده كمان ممكن يودوه طريق غلط !!

9- البنت لو شافت نانسي ولا هيفا في اي مكان ممكن تروح تسلم عليها وتحضن وتبوس كمان لكن الولد ...

10- البنت تعقد في البيت معززة مكرمة لحد ما تلاقي واحد توافق عليه الواد يفضل يلف لحد ما يلاقي البنت اللي توافق عليه لا وايه تشترط ياخي احـــسن من القعاد في البيت مفيش